هو شحاتة بيضحك ليه و حسنى مكشر ليه و ابوتريكة بيحسبن ليه (سبب ضحك شحاتة)
كاتب الموضوع
رسالة
Admin ۩ ∫Ξ∫ADMIN∫Ξ∫ ۩
عدد المساهمات : 149 تاريخ التسجيل : 08/06/2009 العمر : 35
موضوع: هو شحاتة بيضحك ليه و حسنى مكشر ليه و ابوتريكة بيحسبن ليه (سبب ضحك شحاتة) الثلاثاء 7 يوليو 2009 - 9:39
بسم الله الرحمن الرحيم اولا الحمد لله على الفوز و الثلاثة اهداف ثانيا هى طريقة اللعب اليوم كانت عبارة عن ايه اعتقد ان طريقة اللعب كانت 4-4-2 او 4-1-3-2 حارس مرمى المحمدى جمعة فتح الله معوض هانى سعيد شوقى و حمص و حسنى تريكة و زيدان او تريكة زيــــــــــــــــــدان الحارس لم يختبر المحمدى بيبص فى ناحية و يجرى فى ناحية تانية و دى لعبة جمالية لكن مش كل كورة لازم يبص فى ناحية تانية لانه احيانا بيبص على الجمهور و طبعا لاعب رواندا مش هيبص على الجمهور الا لو المحمدى بيقوله بص العصفورة بالاضافة ان مفيش رافعة واحدة سليمة جمعة افضل لاعبى مصر محمود فتح الله كان متماسك و مستواه معقول سيد معوض بيلعب و هو خايف يصاب تانى و اعتقد انه غير سليم هانى سعيد ( مش قادر اقيمه لانى مش عارف هو كان بيلعب فى اى مركز ) محمد شوقى و حمص و حسنى شوط اول سئ جدا و ده مش ذنبهم بصراحة لان الثلاثة بيلعبوا فى نفس المركز بنفس المهام و واضح ان المطلوب من حسنى انه يزيد مع اللاعيبة المهاجمين لكن حسنى مش مهاجم و لا صانع لعب و السؤال هو فريق مثل رواندا محتاج 3 ديفندرات ليه و لكن لان حسن شحاتة انسان طيب جدا يشاء المولى ان شوقى يصاب و ينزل احمد رؤوف و هنا تنفك زحمة وسط الملعب فوجود 3 ديفندرات + هانى سعيد يكون حائط صد للفريق المنافس و لهجوم فريقك ايضا تريكة شوط اول انا مش عارف بيلعب راس حربة و لا وسط مهاجم و شوط تانى لعب وسط مهاجم و احرز هدفين لكن السؤال لماذا بعد الهدف الاول لم يتقبل تحية زملائه و اتجه الى الجمهور رافعا يده للمولى طيب افرح يا تريكة و بعدين ابقى حسبن و اعتقد انه لما شاف احمد عيد جاى يحتفل بالهدف معاه تذكر ما حدث فى عمان مع عمرو زكى فقالك حسبى الله ونعم الوكيل فيك يا عيد انت ناوى تخلص على المنتخب بصراحة كانت لقطة غير مقبولة من تريكة
زيدن انا مش عارف هل هو مصاب مرهق بيفكر فى خطيبته مش عارف فى ايه حسنى بعد احراز الهدف الثانى كان قرفان قوى مش عارف ليه احمد رؤوف مبشر لكن كل الكرات العالية لعبها بعيدة جدا عن المرمى تغيير زيدان صح جدا لكن تغيير سيد معوض اذا لم يكن مصابا فهو تغيير خاطئ عبد العزيز توفيق ليس باك شمال حمص شوط ثانى صح كما يقول الكتاب لكن شوط اول مالوش لازمة حسنى شوط ثانى متميز لمس كل هدف اسئلة محيرة هو احنا ليه لم نبدء بعيد جنب تريكة و امامهم زيدان؟ ليه سعيد لعب قدام المدافعين ؟ ليه غير سيد معوض؟ سبب ضحك شحاتة اولا بعد كورة توفيق انا شخصيا وقعت من الضحك فالكورة كان منظرها عجيب جدا ملعوبة بطريقة خاطئة تماما و بصراحة انا عاذر شحاتة انه ضحك على سبيل الدعابة و بذكر كورة شوقى التى اصطدمت براس شحاتة اعتقد انه كان بيضحك و بيقول الحمد لله انى مكنتش واقف ورا الجول سؤال هام جدا ايه السبب فى سوء الاداء اللاعيبة المدرب قوة فريق رواندا
هو شحاتة بيضحك ليه و حسنى مكشر ليه و ابوتريكة بيحسبن ليه (سبب ضحك شحاتة)